DILEMA MELAYU KITA

Sebuah lagu dikir barat yang memberikan pengajaran yang tidak ternilai harganya kepada mereka yang dilahirkan sebagai orang Melayu. Sila hayati lirik lagu ini dan cuba fahami maksud yang tersirat. Tetapi pencipta dan penyanyi lagu ini sudah pun dijemput Allah 4 tahun lepas. Al-Fatihah buat Allahyarham Cikgu Naim.

Apa erti kemerdeka’e,
Bagi umat Melayu kito,
Tak boleh terima perubahe,
Anak cucu berputih mato,
Orang lain rebut peluwe,
Sanggupkah tengok sajo,
Masa tetap berjale,
sesaat tak tunggu kito,
Dilemo..Dilemo…Dilemo Melayu kito.

Bangso lain hidup bersatu,
Kita baloh samo sekampung,
Bangso lain koho maju,
Bangso kita masih mundur,
Oghe kecek cayo selalu,
Hangguk palo mace Jepun,
Ikut stail dulu-dulu,
Jadi katok bawah tepurung,
Dilemo…Dilemo…Dilemo Melayu kito.

Rumoh oghe rumoh batu,
Rumoh kito rumoh atap,
Rumoh oghe pagar batu,
Rumoh kito pagar krawat,
Rumoh oghe kapet bledu,
Rumoh kito tikar karat,
Maso bekwoh nyambuk natu,
Patoh gelegar cabuk tukak,
Dilemo…Dilemo…Dilemo Melayu kito,

Keto oghe keto Mercedeh,
keto kito Morris Minor,
Keto oghe asap nipih,
Keto kito asap bbungo,
Keto oghe idup denge suih,
Keto kito mapuh tolok sokmo,
Beli baru takdok pitih,
Beli berah pun hute sokmo,
Dilemo…Dilemo…Dilemo Melayu kito.

Anok oghe naik kapa terbe,
Anok kito naik teksi,
Anok oghe make hote,
Anok kito keda kopi,
Anok oghe jadi toke,
Anok kito jadi kuli,
Habih pitih tengoh bule,
Bare bini gada lagi,
Dilemo…Dilemo…Dilemo Melayu kito.

Anok oghe jadi peniago,
Anok kito jadi petani,
Anok oghe baju cap boyo,
Anok kito baju guni,
Anok oghe bahagio,
Anok kito ko duk pening,
Jadi mangso dadoh ganjo,
Jadi mangso budayo kuning,
Dilemo…Dilemo…Dilemo Melayu kito.

Anok oghe baco buku,
Anok kito duduk deghak,
Anok oghe masuk ke U,
Anok kito masuk lokak,
Anok oghe minum susu,
Anok kito togok ubak,
Macamano kito nok maju,
Kalu tok sey uboh sikap,
Dilemo…Dilemo…Dilemo Melayu kito.

Anok oghe dudok masjid,
Anok kito tepi jale,
Anok oghe duduk ngatik,
Anok kito duduk gewey
Anok oghe peranga baik,
Anak kito supo setey,
Dudok cari balo penyakik,
Tok sey pikir maso depe,
Dilemo…Dilemo…Dilemo Melayu kito.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s